Kurs haqqında
Betonun potensialını kəşf edin: dayanıqlı tikintinin təməli. Bu kurs ətraf mühitə əhəmiyyətli dərəcədə təsir göstərən geniş yayılmış tikinti materialı olan betonun əsas xüsusiyyətlərini və tətbiqlərini araşdırır. Betonun tərkibi, performans xüsusiyyətləri və inşa edilmiş mühitdəki rolu barədə dərin təsəvvür qazanın. Karbon izini azaltmaq üçün strategiyaları araşdırarkən səmərəlilik və dayanıqlılıq baxımdan betonun istifadəsini necə optimallaşdırmağı öyrənin. Bu təməl bilik tikinti sənayesində çalışan hər hansı mütəxəssis üçün vacibdir.
Bu mövzuya təxminən 2,5 saat vaxt sərf edəcəksiniz. Keçid balını (80 %) toplaya bilməsəniz, qiymətləndirmədə yenidən iştirak etmək üçün bizimlə əlaqə saxlaya bilərsiniz.
Kurs heyəti
Dr. Elen Lombua-Burger
Holcim İnnovasiya Mərkəzi
Elen mühəndislik dərəcəsinə (ESPCI ParisTech 2000) və materialşünaslıq üzrə doktorluq dərəcəsinə (Paris 6 Universiteti, 2003) malikdir. Tikinti materiallarının tədqiqat və inkişaf sahəsində 20 ildən çox təcrübəyə sahibdir (Italcementi: 2000-2007, Holcim Group 2007-ci ildən). O, 25-dən çox nəşrin və patentin müəllifidir. Elen Holcim şirkətində beton və aqreqatlar və rəqəmsal istehsal üzrə tədqiqat və inkişaf rəhbəridir. Onun rolu dizayndan tutmuş sertifikatlaşdırmaya, o cümlədən materiallar və onların emalı və tikintisinə qədər bütün dəyər zəncirini əhatə edən əməkdaşlıq ekosistemində dayanıqlılığa ciddi diqqət yetirərək innovativ bazar həllərinin inkişafına yönəlmişdir.
Kristof Levi
Holcim İnnovasiya Mərkəzi
Kristof Levi İnşaat Mühəndisliyi üzrə bakalavr dərəcəsi almışdır (Paris, 1984). O, Afrika və Fransadakı əlamətdar tikinti işlərində yeni materiallar üzrə mühəndis kimi 4 il çalışmışdır. 1988-ci ildə Kristof Fransa, Hindistan və ABŞ-də yerləşən Lafarge, indiki adı ilı Holcim şirkətinə qoşulmuş və orada tədqiqat və inkişaf, dayanıqlı tikinti və marketinq sahələrində müxtəlif vəzifələrdə çalışmışdır. Təxminən 80 patent alan Kristof yeni sementlər, yeni betonlar, yeni qatqılar və yeni beton əsaslı bina sistemləri kimi innovativ sement əsaslı tikinti materiallarına əsaslanan fərqləndirici və davamlı həllər ixtira etmək və inkişaf etdirməklə məşğuldur. O, həmçinin 2019-cu ildən bəri Sement Kimyası üzrə Beynəlxalq Konqresin sədridir (Banqkok 2023, Dehli 2027).
Fabris Tussen
Holcim İnnovasiya Mərkəzi
Fabris Holcim İnnovasiya Mərkəzində tədqiqat mühəndisi, baş elmi işçidir. O, reologiya və beton qarışığı dizaynı üzrə mütəxəssisdir. Fabris 2021-ci ildə Groupe Français de Rhéologie tərəfindən "Prix Maurice Couette" mükafatına layiq görülüb.
Dr. Eduard Gengembr
Holcim İnnovasiya Mərkəzi
Eduard enerji səmərəliliyi və az karbonlu dizayn üzrə ixtisaslaşmış mühəndisdir. O, IMT Mines Albi məktəbindən bina fizikası üzrə doktorluq dərəcəsi alıb. 2012-ci ildə Holcim-ə qoşulduqdan bəri özünü enerjiyə qənaət edən və az karbonlu binalar üçün məhsul inkişafına həsr edib.
Arno Delaplas
Holcim İnnovasiya Mərkəzi
Arno Delaplas Ecole Normale Supérieure de Cachan (sertifikatlı ixtisaslaşmış müəllim, fəlsəfə doktoru, elmi rəhbər akkreditasiyası) məktəbinin inşaat mühəndisliyi məzunudur. 10 ildən çox CNRS-nin tam ştatlı tədqiqatçısı kimi çalışdıqdan sonra Arno Delaplas 2011-ci ildə Holcim İnnovasiya Mərkəzinə qoşulub. Onun işi sement əsaslı materialların davranışına (erkən yaşlanma xüsusiyyətləri, hidratasiya istiliyi, çatlama), modelləşdirməyə və ədədi simulyasiyaya yönəlib. Təxminən 50 elmi məqalə və hesabatın müəllifidir, milli və beynəlxalq konfranslarda 40-dan çox töhfə verib. Hazırda təkrar emal olunmuş materialların istifadəsi də daxil olmaqla hazır beton təchizat zənciri sənayesinin rəqəmsallaşdırılması ilə bağlı layihədə iştirak edir.
Qabriel Fam
Holcim İnnovasiya Mərkəzi
Qabriel Fam 2019-cu ildən Holcim İnnovasiya Mərkəzində dayanıqlılıq və mikrostruktur komandasının rəhbəridir. Betonun davamlılığı sahəsində 10 ildən çox təcrübəyə və Holcim qrupunun müxtəlif şirkətlərinə (Almaniya, Serbiya, Yunanıstan, Fransa) təlim keçməkdə sübut olunmuş praktikaya sahibdir. Əvvəllər modelləşdirmə üzərində işləmiş Qabriel 2010-cu ildə tədqiqat mühəndisi kimi Holcim-ə qoşulub.
